በውርስ ሕግ አተረጓጎም ዙሪያ በተሰጡ አንዳንድ የፌደራል ጠቅላይ ፍርድ ቤት ሰበር ሰሚ ችሎት አስገዳጅ የሕግ ትርጎሞች ላይ የቀረበ ትችት

የውርስ ሕግ አወቃቀሩ እና አደራጃጀቱን በአግባቡ ባለማጤን እንዲሁም የውርስ ሕጉ የተለያየ መልክት ያላቸውን እሳቤዎች ተመሳሳይ እና ተቀራራቢ በሚባሉ ቃላቶች በመጠቀሙ በውርስ ሕግ ላይ በፌደራል ጠቅላይ ፍርድ ቤት ሰበር ሰሚ ችሎት ሳይቀር በአንድ ጉዳይ ላይ የተለያዩ የሕግ ትርጉሞች እየተሰጠ ይገኛል፡፡ ፍርድ ቤቶች የውርስ ሕጉ አተገባበር ላይ ከሕጉ ወጥተዋል፡፡
ይህ ጽሁፍ የፌደራል ጠቅላይ ፍርድ ቤት ሰበር ሰሚ ችሎት ከውርስ ሕጉ አጠቃላይ አወቃቀር እና አደረጃጀት ወጥተው በአንደኛው የውርስ ሕግ ክፍል የተደነገገን ድንጋጌ አግባብነት ለሌለው ሌላ የውርስ ሕግ ክፍል ተግባራዊ በማድረግ አንዳንዴም በጉዳዩ ላይ ተፈጻሚነት ያላቸዉን የውርስ ሕግ ድንጋጌዎች በመተዉ አጠቃላይ የዉል ሕግ ድንጋጌዎችን መሠረት በማድረግ ገዥ ትርጉም መስጠታቸውን እና ይህም ሕጉን የተከተለ አለመሆኑን ይከራከራል፡፡እንዲሁም በዚህ ምክንየት በፌደራል ጠቅላይ ፍርድ ቤት ሰበር ሰሚ ችሎት በራሱ ተቃራኒ እና ምክንየታዊ ያልሆኑ ውሳኔዎች እየተሰጡ መሆኑን በማሳየት የውርስ ሕጉ ሊተረጎም እና ተግባራዊ ሊሆን የሚችልበትን መንገድ ይጠቁማል፡፡