Print this page
02 October 2014 Written by  FanaBC

የፍየሏን ምላስ በህይወት እያለች ቆርጦ የበላው ተከሳሽ በገንዘብና በእስራት ተቀጣ

የሼህ ቤንች ወረዳ ፍርድ ቤት ነው የቅጣት ውሳኔውን በግለሰቡ ላይ ያስተላለፈው።

ተከሳሹ ሀብታሙ ወርቁ ይሰኛል፤  በቤንች ማጂ ዞን፣ ሼህ ወረዳ ሻፑ ጉይድ ቀበሌ ውስጥ በያዝነው ወር መስከረም 6፣ ከቀኑ 11 ሰዓት ላይ ንብረትነቷ የአቶ ጎንጣብ ይህንሳብ የሆነችውን እና ዋጋዋ 500 ብር የተገመተውን  ፍየል ጓሮ ገብታ የጫት ተክሌን በልታብኛለች በሚል ምክንያት በህይወት እያለች ምላሷን ቆርጦ በመብላት ወንጀል ተከሶ  ነው ቅጣቱ የተላለፈበት።

ተከሳሹ ድርጊቱን ሲፈፅም የተመለከቱ የአይን እማኞች ለፖሊስ በሰጡት ጥቆማ  የተያዘው ግለሰቡ፥ የፈፀመው ወንጀል በሰው ማስረጃ በመረጋገጡ  የወረዳው ፍርድ ቤት ሰሞኑን ባስቻለው ችሎት የ3 ወራትና የ300 ብር የገንዘብ መቀጮ ውሳኔ አስተላልፎበታል።