08 May 2014 Written by  FanaBC

በእነ መላኩ ፈንታ የክስ መዝገቦች ለብይን የተያዘው ቀጠሮ ለሶስተኛ ጊዜ ተራዘመ

የፌደራሉ ከፍተኛ ፍርድ ቤት 15ኛ የወንጀል ችሎት በእነ መላኩ ፈንታ የክስ መዝገቦች ለብይን የተያዘው ቀጠሮ ለሶስተኛ ጊዜ ተራዘመ።

አቶ መላኩ ፈንታ እና ገብረዋህድ ወልደ ጊዮርጊስን ጨምሮ በ37 የክስ መዝገቦች 66 የሚጠጉ ተከሳሾች የክስ መቃወሚያ አቅርበው ከሳሽ አቃቢ ህግም ምላሽ መስጠቱ ይታወሳል።

ፍርድ ቤቱ የሁለቱንም ወገኖች ተቃውሞ መርምሮ ብይን ለመስጠት ነበር ቀደም ሲል ቀጠሮ ይዞ የነበረው ።

በመሆኑም በችሎቱ ላይ በርካታ የስራ ጫና ተፈጥሮ እንደነበር ተከሳሾችና በርካታ ታዳሚዎች በተገኙበት የተገለጸ ሲሆን፥  መዝገቦቹን የመመርመሩ ስራ በአብዛኛው በመጠናቀቃቸውና የሚቀሩ ጥቂት የማስተካከያ ስራዎች ብቻ በመሆናቸው ፤ ፍርድ ቤቱ ለግንቦት 8 ቀን 2006 ዓ.ም ተለዋጭ ቀጠሮ ሰጥቷል።

Last modified on Thursday, 08 May 2014 12:03