Welcome, Guest
Username: Password: Remember me
  • Page:
  • 1

TOPIC:

የጥብቅና ሙያ የንግድ ሥራ ተደርጎ መወሰድ #4

ከዚህ በፊት በተደጋጋሚ የጥብቅና ሙያ የንግድ ሥራ ተደርጎ መወሰድ አለበት ወይስ የለበትም በሚል በንግድ ሚኒስቴር እና የቀድሞ ፍትሕ ሚኒስቴር መካከል ውይይት ሲደረግ መቆየቱ የሚታወስ ነው፡፡
  1. በአንድ በኩል የጥብቅና ሙያ ከንግድ ሥራ ጋር ተቀላቅሎ መታየት የለበትም ጥብቅና የሙያ አገልግሎት ነው የራሱ የሆነም የሥነ-ምግባር መርሆች ያሉት ነው፤ እንደነጋዴም ትርፍን ብቻ ዓላማ አድርጎ አይሰራም፤ ዓላማውም በሕግ በግልጽ የተመለከተ ግቡም ፍትሕን ማስፈን ፍትሕ ፈላጊዎችን መርዳት ነው የሚል ጠንካራ አስተያየት አለ፡፡
  2. በሌላ በኩል ደግሞ ጠበቆች ምንም እንኳን የሙያ አገልግሎት ቢሰጡም ከሌሎች የሙያ አግልግሎቶች ለምሳሌ ሕክምና አካውንቲንግ ተለይተው መታየት የለባቸውም፡፡ እነዚህ የሙያ ዘርፎች ምንም እንኳን የሙያ አገልግሎት ቢሆኑም የራሳቸው የሥነ-ምግባር ደንብ ያላቸው ቢሆኑም የንግድ ፈቃድ አውጥተው በነጋዴ ዘርፍ ውስጥ ገብተው የሚሠሩ ናቸው፤ በመሆኑም ጠበቆችም በንግድ ፈቃድ መስጫ መደቦች ውስጥ ተካትተው ፈቃድ ማውጣት አለባቸው፤ በዚህ የሒሳብ መዝገብ እንዲይዙ እና በንግድ መዝገብ ውስጥ እንዲገቡ በማድረግ መንግሥት በአግባቡ ግብር እንዲሰበስብ ያደርጋል የሚሉ አስተያየት አለ፡፡

እነዚህ ሁለት አስተያየቶች በሕግ ባለሙያዎች ዘንድ ጠንካራ ትችቶች ሲቀርቡባቸውም ይስተዋላል፡፡ ይህ ይሁን እንጂ በርዕሱ ዙሪያ ያለቀ ውሳኔ አልተወሰነም፡፡ይህ ሆኖ ሳለ የንግድ ሚኒስቴር በኢትዮጵያ የንግድ ሥራ ፈቃድ መስጫ መደብ መመሪያ ቁ. 17/2011 ሥር በተ.ቁ 426 በፈቃድ መስጫ ኮድ 86113 ‹‹ማህበራዊ ጉዳይ የማማከር አገልግሎት›› በሚል ስያሜ ስር በሕግ ዙሪያ ማማከርን ጨምሮ ፈቃድ እንደሚሰጥ አስቀምጧል፡፡በዚህ የሚነሳው ዋና ጥያቄ አንድ ሰው ይህንን በመጠቀም የሕግ ማማከር አገልግሎት ለመስጠት ፈቃድ ሊሰጠው ይችላል ወይ የሚለው ጥያቄ ነው፡፡ ይህንን የሕግ ባለሙያዎች ብንወያይበት፤ 
Attachments:

Please Log in or Create an account to join the conversation.

  • Page:
  • 1